Dr` Maier-Karle

Zwischa dr´Gallbronna-Gass ond de Booda Wiesa isch dr`Karle uffgwaasa on em Alder vo sechs Johr zom Papa Mönch scho end` Schual komma.

Mit zehne hot er sei erschdes Geld verdeanet. Wenn`s neemlich sonndichs gregnat hot, isch`er e seim kleina Schöpfle vor dr´`Schuiar gwäa ond hot für aus Jengere Kaschperle gschpielt! Iber an Bohnaschtecka hot er ganz oifach a Grasduach gleegt.

Dahender dieba hot dr Karle kleine Figura gheet, aber blos zwoi: da Kaschper ond an Polizischt. Ond so hot er au bloß zwoi Schtemma nochmacha miaßa. A Schtoile hot au noo zo deara Ausrüschdong ghaert. Mir Zuaschauer hent miaßa oin Pfennech Eidritt zahla.

Vo maira Muader, Gott hab sie seelig, haune dean Pfennech nia kriagt. Aber mei Ahna war a seelaguads Weib ond dui hot mer an rauda Oiser gäa.

Dui Gschiecht war fascht äwl gleich. Dr Kaschper hot da Schtoi middla uff d Schtrooß gleegt, so daß dr Polizischt driber gstolperet ischt. Dia zwee hent da ganza Mittag mitnander ghendlet, bis halt dr`Karle gnuag Geld em Sack ond koi Luscht mai ghet hot.

Also ons hot`s gfalla.

Manchmool hot er 7 Kupfer-Pfennech verdeanet.